1453 г. февраля 23. — Грамота молдавского господаря Александрела с разрешением Яцкову монастырю около Сучавы «осадить село» и освобождением от всех податей и повинностей поселившихся в нем крестьян независимо от их национальности 6
+ Милостию божиею мы, Александръ воевода, господаръ земли Молдавской, чиним знаменито ис семъ листомъ нашим въсям, кто на н оузрит или его оуслы[ши]т (В рукописи: оуслыт) чтучи.
Юже благопроизволи господство ми нашимъ благым произволениемъ и чистим и светлымъ сръдце[м] (В рукописи: сръдце) и оучинили есми въ задоушие святопочивших родителем нашим и за наше здравие, и дали есми монастырю нашему, що ест подли Сочаве, Яцкову монастырю, где ест храмъ Оуспение свяеи богородице, где ест старице Феврониа, да осадит село оу монастырских хотаръ около монастырю, где имает любити. И варе кто имет звати, или от чужеи земли, или от Лядцкую земли, или от нашей земли, а тоты люди оуси, кулко имут быти оутоту монастыр, да ест им слободно: орали соби, и жито сиати, и сино косити, оу торговскою царину [51] Сочавское, якож торговскых (В рукописи: торговсскых) людие. А також тоты люди да имают слободу: или мастрове имут бы, или кожухари, или буд какы мастеръ, или русин, или гръчин, или буд какыи язык, да не даст тых люди ни дан, ни посаду, ни илиш, ни на млинох наших да не робят ни на город, ни десятину от бчел да не даст, ни от винограда, а ни иное нищо да не даст николи на векы. А також тых люди да ест им слободно и доброволно ходити съ хорнцом, или с солею, или по рибу, или живым товаром имет ходити, или мрътвым чим мочи имут годовати cе везде по нашей земли, продаючи и купуючи и по тръгом и по селом, а мыто нигде да не даст ни гроша, али проданна мы[то] (В рукописи: мы) или не проданна. А також ни дворници сочавскых (Так в рукописи), а ни ин никто да не имают дила с тими людми, ни судити их, а ни иное нищо ис них не брати. А кому cе оузрит кривда на тых люди, а ин да ищет их пряд старице, а либо прад господство ми, а иного судце да не имают, але тот приход оувес да ест монастырю нашему. Тое все вышеписанное да ест монастырю нашему оурик и съ въсям доходом не порушенно на векы.
А на то ест вера нашего господства вышеписанного Алезандра воеводы и вера боиръ наших: вера пана Думи дворника, вера пана Маноило, вера пана Станчула, вера пана Кости пръкалаба и брата его пана Петра, вера пана Балчана, вера пана Жулича, вера пана Козми 7 Ша[ндровича] (В рукописи: Ша), вера пана Думи вистиарника, вера пана Петрика постелника, вера пана Журжи комиса и вера въсях бояръ наших молдавских великых и малых.
А по нашем животе, кто будет господаръ нашей земли, а тот бы не порушил монастырю нашему нашего даниа. А кто имет порушити сие наше дание, тот да ест проклет от господа бога и спаса нашего Исуса Христа, и сот пречиста его матери, и от 318 сотци Никеискых, и ют въсах сватых... (Писец пропустил часть формулы проклятья) и въз[ъ]пиша (В рукописи: възапиша); кров его на них и на чадах их.
А на болшею крепост велели есми нашему верному пану Михаилу лого[фету] (В рукописи: лого) писати и привесити наш печат к сему листу нашему.
Писа Добрул, оу Сочаве, в лето 6961, февралия 23.
