Документ №124.
Похвальное слово Сергию Радонежскому.Автор: Епифаний Премудрый. Время создания: ≈1412 год.
Шифр и датировка рукописи: РГБ, ф.304.1, №755, 1450-е годы.
Фрагмент 1.
«Слово похвално преподобному отцу нашему Сергию. Сътворено бысть учеником его священноинокомъ Епифаниемъ. Благослови, отче. Тайну цареву добро есть хранити, а дела Божиа проповедати преславно есть; еже бо не хранити царевы тайны — пагубно есть и блазнено, а еже млъчати дела Божиа преславнаа — беду души наносить.»
Фрагмент 2.
«молитвеникь крепокь, чистоте хранитель, целомудриа образь, столпь терьпениа; иже поживе на земли ангелскымь житиемь и възсиа вь земли Роусстеи, аки звезда пресветлаа; иже за премногую его добродетель людемь на ползю бысть многымь, многымь на спасение, многымь на успех душевный, многым на потребу, многым на устрои; иже бысть христолюбивым княземь великымь русскымь оучитель православия»
Фрагмент 3.
«сего Богъ проявилъ есть въ последняа времена на скончание века и последнему роду нашему, сего Богъ прославилъ есть в Русскои земли и на скончание седмыя тысяща; съй убо преподобный отець нашь провосиалъ есть въ стране Рустеи, и яко светило пресветлое възсиа посреди тмы и мрака, яко цветъ прекрасный посреди тръниа и волцечь, яко звезда незаходимаа,»
Фрагмент 4.
«Егда же приспе время преставлениа его, заповеда учеником своимь и не повеле имь въ церкви положити ся, нъ вне церкви тако просто повеле погребсти ся съ прочими братиами. Братиа же, слыешавше сиа от святого, зело скръбни быша и о семь въспросиша пресвятейшаго архиепископа. Тогда же бе въ преславнемь и пресловущем в велицемь граде Москве, оукрашаяй престолъ пресвятыя и преславныя владычица наша и Богородица, преосвященный Киприанъ митрополитъ. Порасмотривъ и рассудивъ в себе, како и где погребется блаженный, и благослови и повеле имь положити его въ церкви на правей стране; еже и бысть.»
Новый документ в следующую субботу.
